17 მაისს, ხარკოვის გ. სკოვოროდას სახელობის ეროვნულ პედაგოგიურ უნივერსიტეტსა და იაკობ გოგებაშვილის თელავის სახელმწიფო უნივერსიტეტს შორის თანამშრომლობის მემორანდუმის ფარგლებში, საერთაშორისო ,,მრგვალი მაგიდა“ გაიმართა, რომელშიც მონაწილეობა თესაუს განათლების მეცნიერებათა ფაკულტეტის განათლების მეცნიერებათა დეპარტამენტის აკადემიურმა პერსონალმა მიიღო. ღონისძიება უკრაინაში მიმდინარე სამეცნიერო კვირეულს მიეძღვნა და ონლაინ- რეჟიმში ჩატარდა.
დისკუსიის დროს, რომლის თემა „პედაგოგიური მეცნიერებისა და სკოლამდელი განათლების განვითარების მსოფლიო ტენდენციები და პრობლემები “ იყო, სკოლამდელი საბაკალავრო პროგრამის შემუშავებასთან დაკავშირებული მოსაზრებები გამოიკვეთა.
,,მრგვალ მაგიდაში“ ბათუმის, სომხეთის, ბელორუსიის სახელმწიფო უნივერსიტეტების აკადემიური პერსონალი მონაწილეობდა. მხარეებმა სამომავლო თანამშრომლობის და შეხვედრების რეგულარულად გამართვის სურვილი გამოთქვეს.
