თელავის სახელმწიფო უნივერსიტეტში, ,,ჰორიზონტი ევროპა"-ს საგრანტო ოფისში საინფორმაციო შეხვედრა ჩატარდება. იაკობ გოგებაშვილის სახელობის თელავის სახელმწიფო უნივერსიტეტის საგრანტო ოფისში, ევროკავშირის კვლევისა და ინოვაციის ჩარჩო პროგრამის ,,ჰორიზონტი ევროპა"-ს შესახებ, საინფორმაციო შეხვედრა გაიმართება. შეხვედრის მონაწილეებს შესაძლებლობა ექნებათ მოისმინონ ,,ჰორიზონტი ევროპა" საქართველოს ეროვნული ოფისის წარმომადგენლების პრეზენტაციები, სხვადასხვა მიმართულებების შესახებ.
ღონისძიების მიზანია, ხელი შეუწყოს თელავის სახელმწიფო უნივერსიტეტის მკვლევრების წარმატებულ მონაწილეობას ევროკავშირის ჩარჩო პროგრამა Horizon Europe-ში. შეხვედრა ჩატარდება 20 მარტს, 14 საათზე.
