15 ივლისს, იაკობ გოგებაშვილის სახელობის თელავის სახელმწიფო უნივერსიტეტში, პროფესორ-მასწავლებელთა და დოქტორანტთა XXIII (79-ე) სამეცნიერო კონფერენცია ჩატარდა.
კონფერენცია თესაუს რექტორის მოადგილემ სამეცნიერო დარგში, ნუნუ გელდიაშვილმა, გახსნა და პროფესორ-მასწავლებელთა სამეცნიერო-კვლევითი მუშაობის მნიშვნელობაზე ისაუბრა. მან მონაწილეებს მადლობა გადაუხადა საინტერესო მოხსენებების წარმოდგენისთვის და წარმატებები უსურვა.
კონფერენციის მუშაობა ცხრა სექციაში გაგრძელდა. მოგვიანებით კი, სექციის ხელმძღვანელებმა მუშაობის ანგარიში წარადგინეს.
კორონაპანდემიის გამო შექმნილი ვითარებიდან გამომდინარე, კონფერენცია ონლაინ-რეჟიმში ჩატარდა.
კონფერენციის მონაწილეებს სერტიფიკატები გადაეცემათ.
