იაკობ გოგებაშვილის სახელობის თელავის სახელმწიფო უნივერსიტეტში, Erasmus+ პროექტის ფარგლებში ტრენინგ-ვორკშოპი გაიმართა. პროექტის DITECH -,,ტექნოლოგიებით გაძლიერებული სწავლება და სწავლა საქართველოს უმაღლეს სასწავლებლებში“, ფარგლებში, შეხვედრას უნივერსიტეტის აკადემიური და ადმინისტრაციული პერსონალი ესწრებოდა.

ტრენინგის მთავარ თემას, ონლაინ ინსტრუქტორების მომზადება, საგანმანათლებლო ტექნოლოგიები და პლატფორმები ონლაინ კურსების მომზადების, დაგეგმვის, განვითარების, განხორციელებისა და შეფასების პროცესში, წარმოადგენდა. შეხვედრაზე განიხილეს Padlet, Genially, Google Jamboard, Mentimeter, Gitmind, Diagrams Net, Powtoon, 123apps, JeopardyLabs, Brightful, ThingLink პლატფორმები და ინსტრუმენტები.

ტრენინგს უძღვებოდნენ პროექტის ფარგლებში გადამზადებული ტრენერები, ასოცირებული პროფესორი, შორენა ლაზვიაშვილი, პროფესორი, მანანა ღარიბაშვილი და ინფორმაციული ტექნოლოგიების სამსახურის უფროსი თენგიზ კუკუნაშვილი. ვორკშოპის მონაწილეებს შესაბამისი სერთიფიკატები გადაეცათ.