იაკობ გოგებაშვილის სახელობის თელავის სახელმწიფო უნივერსიტეტში ევროკომისიის მიერ თანადაფინანსებული პროექტის ფარგლებში ონლაინ-ტრენინგი ჩატარდა. ტრენინგი, სახელწოდებით, ,,ეროვნული სასწავლო გეგმის ადაპტაცია ენის, მეტყველებისა და კომუნიკაციის დარღვევის მქონე მოსწავლისთვის”, განათლების მეცნიერებათა ფაკულტეტის ასოცირებულმა პროფესორმა, პროექტის CISI ტრენერმა, შორენა ძამუკაშვილმა და განათლების მეცნიერებათა დოქტორმა, პროექტის CISI ინსტიტუციონალურმა მენეჯერმა, მაკა კოჭაურმა ჩაატარეს. შეხვედრას უნივერსიტეტის პარტნიორი საჯარო სკოლების სპეცმასწავლებლები ესწრებოდნენ. ევროკომისიის მიერ თანადაფინანსებული საერთაშორისო პროექტი CISI „ინოვაციები კურიკულუმში სოციალური ჩართულობის მხარდასაჭერად,“ თელავის სახელმწიფო უნივერსიტეტში 2019 წლიდან ხორციელდება. პროექტის ფარგლებში, თელავის სახელმწიფო უნივერსიტეტში, განათლების მეცნიერებათა ფაკულტეტზე, სამი ახალი კურსი დაინერგა, ასევე, შემუშავდა ორი მოკლევადიანი ტრენინგი. პროექტის ძირითადი მიზანი, ინკლუზიური განათლების ხარისხის გაუმჯობესების მიზნით, სკოლებში შშმ და სსმ პირთა სოციალური ჩართულობის გაზრდაა.