25-27 აგვისტოს,  იაკობ  გოგებაშვილის  სახელობის თელავის  სახელმწიფო უნივერსიტეტში,  ,,ერაზმუს+“-ის მხარდაჭერით განხორციელებული პროექტის- „ინოვაციები კურიკულუმში სოციალური ჩართულობის მხარდასაჭერად“ (Curriculum Innovation for SocialInclusion - CISI) ფარგლებში, სამუშაო შეხვედრები გაიმართა. 

      შეხვედრებში, თესაუსთან ერთად,  მონაწილეობა  კონსორციუმში მონაწილე საქართველოს სხვა უნივერსიტეტების  და  განათლების, მეცნიერების, კულტურისა და სპორტის სამინისტროს წარმომადგენლებმა   მიიღეს. 

   ,,ერაზმუს+“-ის  პროექტის  ფარგლებში გამართულ შეხვედრაზე, რომელიც  ივანე  ჯავახიშვილის სახელობის   თბილისის სახელმწიფო უნივერსიტეტის კოორდინატორობით ხორციელდება,    სამომავლოდ დაგეგმილი  სასწავლო კურსები განიხილეს.