2020-ის 23 მარტს, ევროკომისიის მიერ დაფინანსებული პროექტის VITAGLOBAL ფარგლებში ონლაინ შეხვედრა გაიმართა. შეხვედრაზე განხილულ იქნა არსებული პანდემიიდან გამომდინარე პრობლემები და გამოწვევები, რომელიც პროექტის მიმდინარეობას ხელს უშლის. არსებული ვითარების გამო, გაუქმდა ივნისში ურუგვაიში დაგეგმილი პროექტის შეხვედრაც. ონლაინ შეხვედრაზე პროექტის კოორდინატორმა დააანონსა ასევე პროექტის ერთი წლით გახანგრძლივება, თუმცა, პროექტის ფარგლებში შექმნილი სამუშაო ჯგუფები, რომლებიც 6 სასწავლო მოდულზე მუშაობენ, აუცილებლად ონლაინ შეხვედრებით გააგრძელებენ მუშაობას.
VITAGLOBAL-ი ევროკომისიის მიერ თანადაფინანსებული პროექტია, რომელიც ითვალისწინებს მევენახეობა-მეღვინეობის სამაგისტრო პროგრამის ინტერნაციონალიზაციას. პროექტის წევრები ევროპელი პარტნიორების (ესპანეთი, საფრანგეთი, პორტუგალია) გარდა ლათინო ამერიკის (არგენტინა, ჩილე და ურუგვაი) და სამხრეთ აფრიკის უნივერსიტეტები არიან.
