იაკობ გოგებაშვილის სახელობის თელავის სახელმწიფო უნივერსიტეტის ასისტენტ-პროფესორი მედეა მეტრეველი 16 აპრილიდან 1 მაისამდე, ერასმუს + გაცვლითი პროგრამის ფარგლებში, იტალიაში, ბოლონიის უნივერსიტეტში, იმყოფებოდა.
თესაუს პროფესორმა ლექციები ბაკალავრიატისა და მაგისტრატურის სტუდენტებთან რუსულ ენაში, თარგმნის თეორიასა და პრაქტიკაში, წაიკითხა. მედეა მეტრეველმა, ასევე, ჩაატარა ვორქშოპები და ბოლონიის უნივერსიტეტის ლინგვისტიკისა და თარგმნის სწავლების მეთოდებს გაეცნო.
ორმხრივი თანამშრომლობის ფარგლებში, ცნობილი იტალიელი რუსისტი მონიკა პეროტო, მედეა მეტრეველთან ერთად, მონაწილეობას რუსულ-იტალიური ბილინგვიზმის საკითხებზე, ერთობლივი სამეცნიერო კვლევაში და თელავის სახელმწიფო უნივერსიტეტის საერთაშორისო სამეცნიერო კონფერენციაში მიიღებს.
თესაუში სწავლის სურვილი, ერასმუს+ გაცვლითი პროგრამის ფარგლებში, ბოლონიის უნივერსიტეტის ორმა სტუდენტმა გამოთქვა.
