იაკობ გოგებაშვილის სახელობის თელავის სახელმწიფო უნივერსიტეტის პროფესორებმა და სტუდენტებმა ფასანაურთან ახლოს, სოფელ ვაშლობში, ადრეული შუა საუკუნეების ტაძარს მიაკვლიეს. სამნავიანი ბაზილიკა, სავარაუდოდ, ამაღლების დღესასწაულის სახელს ატარებს.
ექსპედიციაში, რომელსაც თესაუ-ს ჰუმანიტარულ მეცნიერებათა ფაკულტეტის ასისტენტი, არქეოლოგიის დოქტორი გიორგი ლაღიაშვილი ხელმძღვანელობდა, უნივერსიტეტის ასისტენტ-პროფესორი დავით ჯავახიშვილი და ისტორიის სპეციალობის სტუდენტები მონაწილეობდნენ.
საქართველოს კულტურული მემკვიდრეობის სააგენტოს ექსპედიციის მიერ ჩატარებული არქეოლოგიური გათხრების შედეგად, მიწის 2 მეტრიანი ფენის ქვეშ ტაძრის თითქმის მთელი კონტურები იკითხება. მიმდებარე ტერიტორიაზე აღმოჩენილია სამარხებიც.
2018 წელს, აღნიშნულ ტერიტორიაზე, არქეოლოგიური გათხრების გაგრძელება და სარესტავრაციო სამუშაობის ჩატარტება იგეგმება.
