იაკობ გოგებაშვილის სახელობის თელავის სახელმწიფო უნივერსიტეტის ეთიკის კომიტეტი და აკადემიური კეთილსინდისიერებისა და სტუდენტთა კონსულტაციის ცენტრი , უნივერსიტეტის თანამშრომლებს შეხვდა.
უნივერსიტეტის ეთიკის კომიტეტისა და აკადემიური კეთილსინდისიერებისა და სტუდენტთა კონსულტაციის ცენტრის ხელმძღვანელმა, ნინო კახაშვილმა საუნივერსიტეტო სივრცეში მოქმედი ეთიკის კოდექსზე, ნორმებსა და პლაგიატის თავიდან აცილების გზებზე, შეხვედრაზე დეტალურად ისაუბრა.
ყურადღება გამახვილდა ასევე, სანქციების გამკაცრების საკითხზე, პლაგიატის გამოვლენის შემთხვევაში.
ნინო კახაშვილმა, შეხვედრის მონაწილეებთან განმარტა, რომ პლაგიატის გამოვლენის ფაქტის დაფიქსირების შემთხვევაში, პლაგიატის გამოვლენის, რეაგირების წესი და ეთიკის კოდექსი გადაიხედება.
შეხვედრა ეთიკის კომიტეტისა და აკადემიური კეთილსინდისიერებისა და სტუდენტთა კონსულტაციის ცენტრის ინიციატივით გაიმართა და კითხვა-პასუხის რეჟიმში მიმდინარეობდა.
