იაკობ გოგებაშვილის სახელობის თელავის სახელმწიფო უნივერსიტეტში, თელავის მუნიციპალიტეტის მერიისა და თელავის ტექნოპარკის მხარდაჭერით, სტუდენტური პროექტი დაიწყო. პროექტის ფარგლებში, უნივერსიტეტის სტუდენტები მეწარმეობის სფეროს ეცნობიან და სასარგებლო იდეის რეალობად გადაქცევას სწავლობენ. 13- დან 20 თებერვლის ჩათვლით, პროექტში ჩართული ახალგაზრდები საგანმანათლებლო სესიებს დაესწრებიან და წარმატებულ ბიზნეს კომპანიებს ადგილზე მოინახულებენ. ტრენინგის ბოლო დღეს, სტუდენტები მიღებული ინფორმაციის მიხედვით, პრეზენტაციებს მოამზადებენ. სამი საუკეთესო პრეზენტატორი, ფასიანი საჩუქრებით დაჯილდოვდება. პროექტის ინიციატორი, თელავის სახელმწიფო უნივერსიტეტის სტუდენტური თვითმმართველობაა.