,,საქართველოს დაცული ტერიტორიების როლი ეკოტურიზმის განვითარებაში",-28 დეკემბერს გამართულ  ამ სახელწოდების ვებინარს    დაცული ტერიტორიების სააგენტოს დაგეგმვისა და განვითარების სამსახურის უფროსი, ნატა სულთანიშვილი, უძღვებოდა.

     როგორც  ონლაინ-შეხვედრაზე აღინიშნა, სწორედ დაცული ტერიტორიებია კარგი შესაძლებლობა იმისთვის, რომ ხელი შეეწყოს ეკოტურიზმის განვითარებას და უცხოელი ვიზიტორების მოზიდვას. ამ მიმართულებით კი, მნიშვნელოვანია საგანმანათლებლო, სამეცნიერო კვლევების ჩატარება და მონიტორინგი. საუბარი, ასევე, შეეხო ეკოტურიზმთან დაკავშირებულ  სტატისტიკურ მონაცემებს, სიახლეებს, ახალი მარშრუტების შექმნის პერსპექტივას, განვითარების პოტენციალს და  ჩართვას  იუნესკოს მსოფლიო მემკვიდრეობის ნუსხაში.

    შეხვედრას თელავის სახელმწიფო უნივერსიტეტის სოციალურ მეცნიერებათა, ბიზნესისა და სამართლის ფაკულტეტის დეკანი, პროფესორ-მასწავლებელები და ტურიზმის სპეციალობის  სტუდენტები დაესწრნენ.