27 დეკემბერს, იაკობ გოგებაშვილის სახელობის თელავის სახელმწიფო უნივერსიტეტში, კონფერენცია- ,,ციფრული აბორიგენები... ჩვენ ბუკელები ვართ... ეპოზოდი მეოთხე“-გაიმართა.

      კონფერენციაზე სტუმრად მოწვეული იყვნენ  2019  სასწავლო წლის მეექვსე კლასის  მოსწავლეები.  ისინი იმ თაობას წარმოადგენენ, რომლებსაც საქართველოს განათლებისა და მეცნიერების სამინისტრომ 2013-2014  სასწავლო წელს, უკვე მეოთხედ, საჩუქრად ,,ბუკები“ გადასცა.

    კონფერენციის მიზანია    სწავლების დაწყებითი საფეხურის V-VI  კლასების საუკეთსო, ორიგინალური ნაშრომების წარმოჩენა, რომლებიც წარმოადგენს, MS Office საოფისე პროგრამათა პაკეტის გამოყენებით, ორიგინალურ კომპიუტერულ  გრაფიკას, ანიმაციურ პრეზენტაციას, Web-დიზაინს (HTML), ვიზუალურ პროგრამირებას-Scratch ტექნოლოგიას და თავისუფალ პროგრამულ აპლიკაციას.  ასევე, მოსწავლეთა  ციფრული ტექნოლოგიების გამოყენების უნარ-ჩვევების ამაღლება და  უივერსიტეტსა და საჯარო სკოლებს შორის ურთიერთთანამშრომლობის განვითარება, რაც განათლების და მეცნიერების სამინისტროს პრიორიტეტული მიმართულებაა.

     კონფერენციის  ორგანიზატორია თესაუს ზუსტ და საბუნებისმეტყველო მეცნიერებათა ფაკულტეტის ასოცირებული პროფესორი მარიამ ზაქარიაშვილი.