საქართველოს განათლების სისტემაში, შესაძლოა, ახალი პროექტი განხორციელდეს. საშუალო საფეხური-პროფილური სწავლება,- ეს იდეა განათლების, მეცნიერების, კულტურისა და სპორტის სამინისტროს წარმომადგენლებმა 27 დეკემბერს იაკობ გოგებაშვილის სახელობის თელავის სახელმწიფო უნივერსიტეტის პროფესორ-მასწავლებლებს გააცნეს.
აღნიშნული პროექტი საჯარო სკოლების უფროსი კლასების მოსწავლეებს შესაძლებლობას მისცემს, რომ მათ საკუთარი პროფილი სკოლის ბაზაზევე შეარჩიონ და უმაღლეს სასწავლებელში, სწავლის გასაგრძელებლად, კრედიტები დააგროვონ. შესაბამის მიმართულებებად: ჰუმანიტარული, მათემატიკა და ტექნოლოგიები, საბუნებისმეტყველო, ესთეტიკური და სახელობო არჩევითი საგნები განისაზღვრა.
სამინისტროს წარმომადგენლები პროფილური სწავლების შესახებ შეხვედრებს საქართველოს სახელმწიფო და კერძო უმაღლეს სასწავლებლებში მართავენ და შესაბამის რეკომენდაციებს და რისკებს ადგილზე ეცნობიან.
