28 სექტემბერს,  იაკობ გოგებაშვილის სახელობის თელავის სახელმწიფო უნივერსიტეტში  II  საერთაშორისო სამეცნიერო კონფერენცია „განათლება, კვლევა, პრაქტიკა“ გაიხსნა.

კონფერენციაში საქართველოსა და საზღვარგარეთის  უმაღლესი სასწავლებლების პროფესორ-მასწავლებლები, დოქტორანტები და სამეცნიერო–კვლევითი დაწესებულებების  თანამშრომლები  მონაწილეობენ.

სამეცნიერო საზოგადოებას უნივერსიტეტის რექტორმა ირმა შიოშვილმა  და რექტორის მოადგილემ, ნუნუ გელდიაშვილმა მიმართეს.

პლენარული სესიის შემდეგ კონფერენციის მუშაობა  სექციებში გაგრძელდა და მასში 70-მდე მკვლევარი იყო ჩართული.

განათლების მეცნიერებათა ფაკულტეტის (დეკანი დავით მახაშვილი) მიერ ორგანიზებული სამეცნიერო კონფერენცია  29 სექტემბერს დასრულდება.