საქართველოს იუსტიციის მინისტრი 3 დეკემბერს თელავის სახელმწიფო უნივერსიტეტს სტუმრობდა. თეა წულუკიანმა არასრულწლოვანთა მართლმსაჯულების კოდექსის პრეზენტაცია გამართა.
მინისტრი სტუდენტებს კოდექსის მთავარ სიახლეებზე ესაუბრა, რომელიც
კანონთან კონფლიქტში მყოფი ბავშვებისთვის ნოვაციებს ამკვიდრებს. იგი ეყრდნობა შემდეგ ძირითად პრინციპებს:

• არასრულწლოვნის საუკეთესო ინტერესების პრიორიტეტულობა;
• ნასამართლობის გაქარწყლება;
• ინდივიდუალური მიდგომა;
• პატიმრობა და თავისუფლების აღკვეთა მხოლოდ უკიდურეს შემთხვევაში;
• მართლმსაჯულების პროცესის გაჭიანურების დაუშვებლობა;
• პატიმრობის/თავისუფლების აღკვეთის გაუმჯობესებული პირობები;
• პასუხისმგებლობის ალტერნატიული ზომის პრიორიტეტულობა;
• თანაზომიერება და შესაბამისობა.

კოდექსი 2016 წლის 1 იანვრიდან ამოქმედდება. ის მუხლები კი, რომელთა იმპლემენტაციისთვის დამატებითი ღონისძიებების გატარებაა საჭირო, 2016 წლის განმავლობაში და 2017 წლის 1 იანვრიდან შევა ძალაში.
შეხვედრის დასასრულს თესაუ-ს სტუდენტებს საჩუქრად არასრულწლოვანთა მართლმსაჯულების ინოვაციური სისტემის ამსახველი ბუკლეტები, მაისურები და სხვადასხვა აქსესუარები გადაეცათ.
საზოგადოებისთვის კოდექსის გაცნობა და მის შესახებ მსჯელობა 2015 წლის იანვრიდან მიმდინარეობს.