2016 წლის 10-14 ოქტომბერს ევროგაერთიანების პროგრამა ტემპუსის მიერ დაფინანსებული პროექტის- ,,კურიკულუმის განვითარება და რეგიონული სასწავლო პლატფორმის დაფუძნება ჰემატოლოგიის სწავლების გაუმჯობესების მიზნით, საბუნებისმეტყველო და სამედიცინო დარგებისათვის”- ფარგლებში, ფერარას (იტალია)უნივერსიტეტში ტრენინგების კურსი კლინიკურ და ლაბორატორიულ ჰემატოლოგიაში ჩატარდა.
პროექტის კოორდინატორები არიან ვესტმინსტერის ცნობილი უნივერსიტეტის და ივანე ჯავახიშვილის სახელობის თბილისის სახელმწიფო უნივერსიტეტის პროფესორი ნინო ფორაქიშვილი, ვიცე- კოორდინატორი- ვესტმინსტერის უნივერსიტეტის პროფესორი პიტერ ლიდიარდი.
პროექტში, იტალიის, ესპანეთის, სომხეთის, აზერბაიჯანის და საქართველოს პარტნიორ უნივერსიტეტებთან ერთად, იაკობ გოგებაშვილის სახელობის თელავის სახელმწიფო უნივერსიტეტიცაა ჩართული.
ტრენინგებს თესაუ-ს ზუსტ და საბუნებისმეტყველო მეცნიერებათა ფაკულტეტის დეკანი, პროფესორი მაგდა დავითაშვილი და თესაუ-ს მოწვეული პედაგოგი, ექიმი ლეილა მეტრეველი დაესწრნენ.
ტრენინგების მონაწილეები საორგანიზაციო ჯგუფის, პროფესორების: დონატო ჯემატის, ფრანჩესკო ბერნარდის და გულიელმო მარიანის შემადგენლობით, დაგეგმილ ჰემატოლოგიის თეორიულ და პრაქტიკულ კურსებს დაესწრნენ და ჰემატოლოგიის თანამედროვე ლაბორატორიები და ბიო-ბანკი დაათვალიერეს.
სამეცნიერო შეხვედრები ფერარას ისტორიულ ესტენსეს ციესიმაგრის საკონფერენციო დარბაზებში გაიმართა. 14 ოქტომბერის შეხვედრაზე პროექტის (DECERPH) 3 წლის მუშაობის შესახებ მოხსენებით თესაუ-ს პროფესორი მაგდა დავითაშვილი გამოვიდა.
თესაუ-ს პროფესორები ფერარას უნივერსიტეტში მიღებულ გამოცდილებას თელავის სახელმწიფო უნივერსიტეტში ახლად დანერგილი სასწავლო კურსის- „ჰემატოლოგიის“ -სწავლების პროცესში გამოიყენებენ.
