საქართველოს სტრატეგიის და განვითარების ცენტრი (GCSD) იაკობ გოგებაშვილის სახელობის თელავის სახელმწიფო უნივერსიტეტის სტუდენტებისთვის აცხადებს მიღებას 2 დღიან სასწავლო კურსზე - „ნატო-ს როლი გლობალური უსაფრთხოების უზრუნველყოფის პროცესში და საქართველო“.

კურსები პროექტის „ნატოს-საქართველოს აკადემია ახალგაზრდებისთვის“ ფარგლებში ხორციელდება.

კურსი სტუდენტებში ჩრდილოატლანტიკური ალიანსისა და ნატო- საქართველოს ურთიერთობების შესახებ თეორიული ცოდნის გაღრმავებას ისახავს მიზნად.

სტუდენტებს ჩაუტარდებათ ლექცია/სემინარები ნატოს ისტორიაზე, რეგიონალური და ეროვნული უსაფრთხოების საკითხებზე, და ნატო-საქართველოს თანამშრომლობის არსებულ მიღწევებსა და პერსპექტივებზე.

ლექცია/სემინარებს უსაფრთხოების ექსპერტი, ნათია გვენეტაძე გაუძღვება.

კურსი 2023 წლის 11-12 დეკემბერს, თელავის იაკობ გოგებაშვილის სახელობის თელავის სახელმწიფო უნივერსიტეტის ბაზაზე გაიმართება.

მონაწილეობის მიღება შეუძლიათ თელავის იაკობ გოგებაშვილის სახელობის თელავის სახელმწიფო უნივერსიტეტის სტუდენტებს.

სასწავლო კურსში მონაწილეობის მსურველებმა, გთხოვთ შეავსოთ მითითებულ ბმულზე მოცემული შემდეგი ფორმა და თან დაურთოთ თქვენი CV - https://docs.google.com/forms/d/e/1FAIpQLSeVqHhf1kn71JBpj1lgUfk25oc2GK2LXp1w21poMh o0Yoazlg/viewform?usp=sf_link კურსის მონაწილეებს გადაეცემათ სერტიფიკატები.

კურსის დროს გამოვლენილი საუკეთესო სტუდენტები მონაწილეობას მიიღებენ 2 დღიან შემაჯამებელ ღონისძიებაში, რომელიც გაიმართება თბილისში, 2024 წლის იანვარში.

ხარჯები სრულად იქნება გათვალისწინებული. სასწავლო კურსის ფარგლებში, ,,ნატო-საქართველოს აკადემია ახალგაზრდებისთვის” ხორციელდება საქართველოში დიდი ბრიტანეთის საელჩოს მხარდაჭერით, რომელიც საქართველოში რუმინეთის საელჩოსთან ერთად, ნატოს საკონტაქტო საელჩოს ფუნქციას ასრულებს .