იაკობ გოგებაშვილის სახელობის თელავის სახელმწიფო უნივერსიტეტში, ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის პროფესურასთან შეხვედრა შედგება.

შეხვედრაში მონაწილეობას მიიღებენ იურიდიული ფაკულტეტის დეკანი, პროფესორი თამარ ზარანდია, დეკანის მოადგილე, პროფესორი ირმა ხარშილაძე და პროფესორი თამარ ჩიტოშვილი.

შეხვედრაზე შედგება პროფესორ თამარ ზარანდიას წიგნის, "სანივთო სამართალი " პრეზენტაცია.

წიგნების გარკვეული რაოდენობა სამართლის სპეციალობის სტუდენტებსა და თელავის სახელმწიფო უნივერსიტეტის ბიზნესის, სოციალურ მეცნიერებათა და სამართლის ფაკულტეტს გადაეცემა.

შეხვედრა შედგება 28 ივნისს, 12 საათზე, 517- ე აუდიტორიაში.