იაკობ გოგებაშვილის სახელობის თელავის სახელმწიფო უნივერსიტეტის და კავკასიის უნივერსიტეტის პროფესორმა, თენგიზ სიმაშვილმა, 2 დეკემბერს გამართა ლექცია- პრეზენტაცია თემაზე-,,თელავი xx საუკუნის დასაწყისში” (რევოლუცია და პოლიტიკური პარტიები, ადგილობრივი ტერორისტები და სტალინი ახლად მოძიებული საარქივო დოკუმენტების ფონზე).
პროფესორმა ,,თელავის დემოკრატიული ჩართულობის ცენტრში“ შეკრებილ საზოგადოებას, თესაუ-ს პროფესორ-მასწავლებლებს და სტუდენტებს ის საარქივო დოკუმენტები გააცნო, რომლებიც თელავის ისტორიულ მოვლენებს, ნაგებობებს, ქალაქის სამაზრო აგებულებას, მოსახლეობის ყოფა-ცხოვრებას , სოფლის მეურნეობას და სხვა მნიშვნელოვან მასალებს მოიცავს. ფოტომასალაში დაბალი, საშუალო და მაღალი ფენების ცხოვრების ეპიზოდები და სხვადასხვა პოლიტიკური პარტიების საქმიანობაცაა ასახული.