იაკობ გოგებაშვილის სახელობის თელავის სახელმწიფო უნივერსიტეტის თანამშრომელი, დავით ბეჟანიშვილი,  ძალისმიერ სამჭიდში მსოფლიოს ჩემპიონი გახდა.

      მოყვარულების  ტურნირში (Powerlifting),  რომელიც  თბილისში, 24 ივნისს,  გაიმართა,  მსოფლიოს 200-მდე სპორტსმენი იღებდა მონაწილეობას. საქართველოდან 50 სამჭიდელი ასპარეზობდა. მათ შორის იყო დავით ბეჟანიშვილი.

      დიდი კონკურენციის მიუხედავად,  თელავის სახელმწიფო უნივერსიტეტის თანამშრომელი I ადგილზე გავიდა. გამარჯვებულ დავით ბეჟანიშვილს ოქროს მედალი და მსოფლიოს ჩემპიონის სერტიფიკატი გადაეცა.

     მსოფლიოს ჩემპიონი და რეკორდსმენი 47 წელია, ძალისმიერ სამჭიდში ასპარეზობს. დავით ბეჟანიშვილი ევროპის, მსოფლიოს  და არაერთი საერთაშორისო ტურნირის გამარჯვებულია.