24 ნოემბერს იაკობ გოგებაშვილის სახელობის თელავის სახელმწიფო უნივერსიტეტის განათლების მეცნიერებათა ფაკულტეტზე ჩატარდა განათლების მეცნიერებების სადოქტორო საგანმანათლებლო პროგრამის დოქტორანტის, თამარ მამსიკაშვილის, სადისერტაციო ნაშრომის დაცვა თემაზე: ,,თანამედროვე ზოგადსაგანმანათლებლო სკოლის მართვის მეცნიერული საფუძვლები” ( სამეცნიერო ხელმძღვანელი- პედაგოგიკის მეცნიერებათა დოქტორი, პროფესორი გურამ ჩაჩანიძე, რეცენზენტები: 1. პედაგოგიკურ მეცნიერებათა კანდიდატი, პროფესორი ქეთევან ნანობაშვილი; 2. პედაგოგიკურ მეცნიერებათა კანდიდატი, პროფესორი ნინო მოდებაძე).
სადისერტაციო ნაშრომის მიზანია თანამედროვე ზოგადსაგანმანათლებლო სკოლის ეფექტური მართვის ორგანიზაციული სტრუქტურის კვლევა, რომელიც ინფორმაციულ-კომუნიკაციური ტექნოლოგოების მეშვეობით იმართება. ეს მოდელი ხელს შეუწყობს სკოლის განვითარებას და სწავლების ხარისხის გაუმჯობესებას.
თამარ მამსიკაშვილს, განათლების მეცნიერებების სპეციალობით, განათლების დოქტორის აკადემიური ხარისხი მიენიჭა.