იაკობ გოგებაშვილის სახელობის თელავის სახელმწიფო უნივერსიტეტის აგრარულ მეცნიერებათა ფაკულტეტის 60 სტუდენტი რთველი 2016-ის პერიოდში ღვინის ქარხანაში დასაქმდება.
ახალგაზრდები ღვინის ეროვნული სააგენტოს წარმომადგენლებმა 19 ივლისს, აგრარულ მეცნიერებათა ფაკულტეტის სტუდენტებთან შეხვედრის შემდეგ შეარჩიეს. შერჩევის პროცესი კონკურსის სახით წარიმართა და საუკეთესო კომპიუტერული უნარ-ჩვევების გამოვლენას ითვალისწინებდა.
ღვინის ქარხანებში დასაქმებამდე სტუდენტები სპეციალურ ტრენინგს გაივლიან და სამუშაო პროცესში სოლიდურ ანაზღაურებას მიიღებენ. გასულ წელს ღვინის ქარხანებში დასაქმებული უნივერსიტეტის 38 სტუდენტი რთველი 2016-ში კონკურსის გარეშე ჩაერთვება.
თანამშრომლობა ღვინის ეროვნულ სააგენტოსა და თესაუ-ს შორის 2014 წლიდან დაიწყო.
