იაკობ გოგებაშვილის სახელობის თელავის სახელმწიფო უნივერსიტეტის ჰუმანიტარულ მეცნიერებათა ფაკულტეტის სადისერტაციო საბჭომ თინათინ ბერიაშვილს ფილოლოგიის დოქტორის აკადემიური ხარისხი მიანიჭა.
2016 წლის 15 ივლისს, სადისერტაციო საბჭომ დოქტორანტ თინათინ ბერიაშვილის სადისერტაციო ნაშრომი ,, ლინგვოკულტუროლოგიურ კონცეპტ „ღვინის“ ლექსიკურ-სემანტიკური ასპექტები ქართულ და ფრანგულ ფრაზეოლოგიურ ერთეულებში ‘’ განიხილა. (სამეცნიერო ხელმძღვანელები: ფილოლოგიის მეცნიერებათა დოქტორი, პროფესორი ნუნუ გელდიაშვილი, ფილოლოგიის მეცნიერებათა დოქტორი, პროფესორ-ემერიტუსი ციური ახვლედიანი).
ნაშრომის მიზანია ლინგვოკულტუროლოგიურ კონცეპტ „ღვინის“ ლექსიკურ-სემანტიკური ასპექტების შესწავლა - ანალიზი ქართული და ფრანგული მასალის საფუძველზე. ლექსიკურ-სემანტიკური ასპექტების დადგენა-განსაზღვრა და ანალიზი კონტრასტულ ჭრილში, ასევე იზომორფიზმებისა და ალომორფიზმების გამოვლენა და ზოგადი უნივერსალიების დადგენა.
