ერთი წლის განმავლობაში (1.10.2026-1.10.2027) განათლებისა და ჰუმანიტარულ მეცნიერებათა ფაკულტეტზე განხორციელდება პროექტი „STEM განათლების ხელშეწყობა კახეთის რეგიონის ზოგადსაგანმანათლებლო სკოლებსა და სკოლამდელი აღზრდის დაწესებულებებში“. პროექტის ხელმძღვანელი - ასოცირებული პროფესორი ნათელა ბაღათრიშვილი (თესაუ), 

კოორდინატორი - ასოცირებული პროფესორი ანა გიგაური(თესაუ), 

კონსულტანტი - პროფესორი, დავით სონღულაშვილი (სტუ)

პროექტის ფარგლებში:  

• იაკობ გოგებაშვილის სახელობის თელავის სახელმწიფო უნივერსიტეტის STEM ჰაბი აღიჭურვება ვირტუალური ლაბორატორიებით;

• თელავის მუნიციპალიტეტის სკოლამდელი აღზრდის დაწესებულებებში მოეწყობა STEM სივრცეები; 

• კახეთის რეგიონის საჯარო სკოლებში დაფუძნდება STEM კლუბები; 

• ვირტუალური და პირისპირ ტრენინგებითა და ვორქშოფებით თესაუს ბაზაზე STEM მიმართულებით გადამზადდებიან:

• იაკობ გოგებაშვილის სახელობის თელავის სახელმწიფო უნივერსიტეტის სტუდენტები;

• თელავის მუნიციპალიტეტის სკოლამდელი აღზრდის დაწესებულებების 5-6 წლიანი ჯგუფების აღმზრდელ-პედაგოგები;

• კახეთის რეგიონის საჯარო სკოლების საბუნებისმეტყველო საგნებისა და ტექნოლოგიების მასწავლებლები;

• განხორციელდება ვიზიტები ტექნოლოგიურ პარკებსა და სამეცნიერო მუზეუმებში;

• მოეწყობა STEM კონკურსი და სამეცნიერო ფესტივალი სამიზნე ჯგუფის მონაწილეობით

• და სხვა.

პროექტში მონაწილეობის მიზნით ცხადდება შესარჩევი კონკურსი შემდეგი სამიზნე ჯგუფებისთვის: 

• იაკობ გოგებაშვილის სახელობის თელავის სახელმწიფო უნივერსიტეტის ინფორმაციული ტექნოლოგიებისა და მასწავლებლის მომზადების საგანმანათლებლო პროგრამების  სტუდენტები 

სტუდენტთა სარეგისტრაციო ბმული https://forms.gle/e9LHZVESEMNefpnn8

• თელავის მუნიციპალიტეტის სკოლამდელი აღზრდის დაწესებულებები

ს/ბაღების მენეჯერთა სარეგისტრაციო ბმული https://forms.gle/TJaChZ2ekEZj9mRw6 

• კახეთის რეგიონის საჯარო და კერძო სკოლების საბუნებისმეტყველო საგნების (ქიმია, ფიზიკა, ბიოლოგია, გეოგრაფია, ბუნებისმეტყველება), მათემატიკისა და ტექნოლოგიების მასწავლებლები 

მასწავლებელთა სარეგისტრაციო ბმული https://forms.gle/yDeTVmn3nmfAHv6J9 

რეგისტრაციის ვადა: 16 ოქტომბერი, 2026 წელი

პროექტში მონაწილეთა რაოდენობა შეზღუდულია!

სამიზნე ჯგუფები შეირჩევა სამოტივაციო წერილის საფუძველზე.