უნივერსიტეტების კვლევის ადმინისტრატორების ამერიკის ეროვნულმა საბჭომ (NCURA) საქართველოს 8 უმაღლესი საგანმანათლებლო დაწესებულებისთვის შეხვედრა ჩაატარა.

სემინარში სახელმწიფო და კერძო უმაღლესი სასწავლებლები მონაწილეობდნენ.

იაკობ გოგებაშვილის სახელობის თელავის სახელმწიფო უნივერსიტეტიდან შეხვედრებს რექტორის კონსულტანტი, ანა ბახსოლიანი და ინტერნაციონალიზაციისა და საზოგადოებრივ საქმეთა სამსახურის ხელმძღვანელი, თამარ ასლანიშვილი ესწრებოდნენ.

სემინარის სესიები მრავალფეროვან თემებს, მათ შორის, დაფინანსების შესაძლებლობებსა და პოლიტიკის პრიორიტეტებს, ასევე აშშ- ს ძირითადი დამფინანსებლებისათვის წინადადებების შემუშავებას მოიცავდა.

წინადადებები შეიძლება შემუშავდეს ეროვნული სამეცნიერო ფონდის (NSF), ჯანმრთელობის ეროვნული ინსტიტუტისათვის (NIH); სემინარის მონაწილეებს ჰქონდათ შესაძლებლობა, განეხილათ მათთვის საინტერესო თემები და თანამშრომლობის პერსპექტივები. UCBP-ის სემინარმა უზრუნველყო პლატფორმა კვლევის ადმინისტრირების ფაზების სწავლისა და გაცვლისთვის - გამოწვევები და მართვის პოტენციური მოდელები საქართველოს უნივერსიტეტებში. UCBP პროგრამა ასევე მოიცავს ვებინარის სერიებს კვლევის მენეჯმენტისა და ფონდების მოზიდვის, აშშ-საქართველოს კვლევითი თანამშრომლობის სამუშაო შეხვედრას, 10 ქართველი მკვლევარის ამერიკის შეერთებულ შტატებში გამგზავრებას და ამერიკელი ექსპერტების საპასუხო ვიზიტების სერიას საქართველოში.

თელავის სახელმწიფო უნივერსიტეტი ჩართულია UCBP II ფაზაში, კვლევის ადმინისტრირების შესაძლებლობების და ინსტიტუციური თანამშრომლობის გაძლიერებისათვის.

პროექტი დაფინანსებულია ამერიკის საელჩოს მიერ და ხორციელდება საერთაშორისო განათლების ამერიკული საბჭოებისა და უნივერსიტეტის კვლევის ადმინისტრირების ეროვნული საბჭოს (NCURA)-ს ხელშეყობით

პროექტის მეორე ფაზა საქართველოს უმაღლეს სასწავლებლებში თანამედროვე კვლევითი ოფისების ზრდასა და გაძლიერებას ისახავს მიზნად.