იაკობ გოგებაშვილის სახელობის თელავის სახელმწიფო უნივერსიტეტის სტუდენტური თვითმმართველობის წარმომადგენლებმა, საშობაო ალილოს შესაწირი სოცილურად დაუცველ ოჯახებს დაურიგეს.
სტუდენტებმა თელავში მცხოვრებ შეჭირვებულ მოქალაქეებს ის ნობათი გადანაწილეს, რომელიც ალილოს მსვლელობის დროს, ადგილობრივი თვითმმართველობის, სხვადასხვა ორგანიზაციების წარმომადგენლებმა და რიგითმა მოქალაქეებმა გაიღეს.
საშობაო ალილო თელავში თელავის სახელმწიფო უნივერსიტეტის სტუდენტების ორგანიზებით ჩატარდა.
ქალაქის ცენტრალურ ქუჩებში მოწყობილი სტუდენტების, ალავერდის ეპარქიის მღვდელმსახურებისა და მრევლის მსვლელობა, თელავის ისტორიული მუზეუმის ეზოში, საზეიმო კონცერტით დასრულდა.
