იაკობ გოგებაშვილის სახელობის თელავის სახელმწიფო უნივერსიტეტში უკრაინის განათლებისა და მეცნიერების სამინისტროს ორგანიზებული ონლაინ კონფერენცია გაიმართა.
XVI კონფერენციაში --სკოლა და სტუდენტი, თელავის სახელმწიფო უნივერსიტეტის სტუდენტები და კახეთის საჯარო სკოლის მოსწავლეები მონაწილეობდნენ.
მონაწილეების სამეცნიერო მოხსენებები, როგორც ისტორიის, ასევე ქართული ლიტერატურის თემატიკას შეეხებოდა.
თელავის სახელმწიფო უნივერსიტეტის სტუდენტებმა, თამარ იორამიშვილმა, მარიამ ალდამოვამ, ელენე შიომღვდლიშვილმა, სალომე მამალაშვილმა და ინდირა ფუტკარაძემ, მოხსენებები პროფესორების, ნინო კოჭლოშვილის, მადონა ქებაძის და ნინო გოგიაშვილის ხელმძღვანელობით წარადგინეს.
თელავის სახელმწიფო უნივერსიტეტის მხრიდან, კონფერენციას საერთაშორისო ურთიერთობების სამსახურის მთავარმა სპეციალისტმა, ია შიუკაშვილმა გაუწია ორგანიზება.
