იაკობ გოგებაშვილის სახელობის თელავის სახელმწიფო უნივერსიტეტში, იუნესკოს მემკვიდრეობის განვითარების საერთაშორისო ტურისტული პროექტის ფარგლებში, შეხვედრა გაიმართა.
პროექტი კავალას განვითარების სააგენტოს მიერ ხორციელდება. პრესკონფერენციას ესწრებოდნენ ალექსანდრა თალვილი შვეიცარიიდან, დიანა გრიგორიანი სომხეთიდან, ვიქტორია ადე- გენშოუ გერმანიიდან და თამარ ასლანიშვილი თელავის სახელმწიფო უნივერსიტეტიდან.
პროექტის სახელწოდებაა ,,გრძელვადიანი პარტნიორობის ჩამოყალიბება იუნესკოს სიაში შემავალი ძეგლების კულტურული მემკვიდრეობის პირობების გაუმჯობესების მიზნით და ახალი საინვესტიციო შესაძლებლობების შექმნა ტურიზმის სფეროსა და კულტურულ და კრეატიული ინდუსტრია შავი ზღვის აუზის ტერიტორიაზე". პროექტს რამდენიმე პარტნიორი ჰყავს, რომლებმაც პროექტის ფარგლებში, იუნესკოს დაცული ძეგლების და მასთან დაკავშირებული 10 გეოლოკაციური ტურისტული პროდუქტი ჩამოაყალიბეს და ყველა ასაკის ტურისტისთვის 2 დღიანი ტური მოამზადეს.
