იაკობ გოგებაშვილის სახელობის თელავის სახელმწიფო უნივერსიტეტის სამართალმცოდნეობის სპეციალობის სტუდენტები საქართველოს უზენაეს სასამართლოში იმყოფებოდნენ. სასწავლო ექსკურსიის ფარგლებში, სამართალმცოდნეობის სპეციალობის სხვადასხვა კურსის სტუდენტებმა, მართლმსაჯულების მუზეუმი, სხდომათა დარბაზები დაათვალიერეს და სასამართლოს კომპეტენციების შესახებ, სამოქალაქო საქმეთა პალატის მოსამართლეს, თამარ ზამბახიძეს ესაუბრნენ.
შეხვედრა მოსამართლესთან კითხვა-პასუხის რეჟიმში მიმდინარეობდა. სასწავლო ექსკურსიას სამართალმცოდნეობის სპეციალობის სტუდენტებისათვის, სოციალურ მეცნიერებათა, ბიზნესისა და სამართლის ფაკულტეტის დეკანი, თამარ თამარაშვილი ხელმძღვანელობდა.
