იაკობ გოგებაშვილის სახელობის თელავის სახელმწიფო უნივერსიტეტს, საქართველოს საპატრიარქოს წმინდა ილია მართლის სახელობის ყვარლის გიმნაზიის უფროსკლასელები ესტუმრნენ. მოსწავლეებმა უნივერსიტეტის განახლებული ინფრასტრუქტურა, კაბინეტ-ლაბორატორიები და ბიბლიოთეკა დაათვალიერეს. უნივერსიტეტის რექტორთან, შალვა ჭკადუასთან შეხვედრის შემდეგ, სტუმრებმა ფაკულტეტები მოინახულეს და აკრედიტებული საგანმანათლებლო პროგრამების შესახებ, ინფორმაცია მიიღეს. ყვარლის გიმნაზიის წარმომადგენლები, უნივერსიტეტის სტუდენტებსაც შეხვდნენ და გიმნაზიაში, სტუდენტურ რეჟიმზე მორგებული დასაქმების პერსპექტივაზე ესაუბრნენ. სტუდენტებისა და გიმნაზიის წარმომადგენლების შეხვედრას ესწრებოდა უნივერსიტეტის სხვადასხვა ფაკულტეტის აკადემიური პერსონალი, რომელმაც გიმნაზიასთან შემდგომი თანამშრომლობის სურვილი გამოთქვა.