იაკობ გოგებაშვილის სახელობის თელავის სახელმწიფო უნივერსიტეტში, სტუდენტთა საერთაშორისო დღე სახელოვნებო ჯგუფის სტუდენტებმა მინი-სპექტაკლით აღნიშნეს. ახალგაზრდებმა ნიკოლოზ ბარათაშვილის პოემიდან - “ბედი ქართლისა” სცენები გაითამაშეს და პოემაში აღწერილი ეპოქის ინსცენირება მოახდინეს. სტუდენტთა საერთაშორისო დღისადმი მიძღვნილი ღონისძიების ორგანიზება თელავის სახელმწიფო უნივერსიტეტის კულტურის სამსახურმა და სტუდენტურმა თვითმმართველობამ განახორციელა. სახელოვნებო ჯგუფის მინი- სპექტაკლში მონაწილე სტუდენტები, გიგა არაბული, გენადი ხვიჩავა, ელენე ცისკარიშვილი და სალომე ღვედაშვილი სამახსოვრო საჩუქრებით დაჯილდოვდნენ.