თელავის სახელმწიფო უნივერსიტეტის აგრარულ მეცნიერებათა ფაკულტეტის წარმომადგენლებმა „ხილის ფესტივალში“ მონაწილეობა უკვე მეორედ მიიღეს. უნივერსიტეტის პროფესორ-მასწავლებლებმა ფესტივალზე წარმოდგენილი ხილის და წვენების ანალიზები ადგილზე ჩაატარეს. „ჩვენ განვსაზღვრეთ
ნიტრატები, კალიუმის იონი სხვადასხვა ხილში და გლუკოზის შემცველობა, _ აღნიშნა აგრარულ მეცნიერებათა ფაკულტეტის დეკანმა მანანა კევლიშვილმა, |_ წლევანდელი ხილის მოსავალი საუკეთესო აღმოჩნდა, რადგან მათში ნიტრატების რაოდენობა ნორმაზე მნიშვნელოვნად დაბალი იყო.“
ფესტივალის ფარგლებში, თესაუს პროფესორ-მასწავლებლები სოფლის მეურნეობის მინისტრის მოადგილეს, ბატონ სოლომონ პავლიაშვილს და რეგიონის ხელმძღვანელობასაც შეხვდნენ და დარგის განვითარების შესახებ მოსაზრებები გაცვალეს.
"ხილის ფესტივალი" კახეთში სახელმწიფო რწმუნებულის ადმინისტრაციის ინიციატივით გასულ წელსაც ჩატარდა და უკვე ტრადიციული ხასიათი მიიღო.
