იაკობ გოგებაშვილის სახელობის თელავის სახელმწიფო უნივერსიტეტში  ქართული ენის კვირეული გრძელდება. კვირეულის ფარგლებში, 8 აპრილს, ფილოლოგიური სემინარი -,,ენაი შემკული და კურთხეული“- თესაუს პროფესორმა, მაყვალა მიქელაძემ,  გამართა.

      მაყვალა მიქელაძეს საქართველოს  სამეცნიერო ჟურნალებში არაერთი მაღალი მეცნიერული ღირებულების მქონე მონოგრაფია და სტატია აქვს  გამოქვეყნებული,  წარმატებული სამეცნიერო - პედაგოგიური მოღვაწეობისათვის  კი, დაჯილდოვებულია  ღირსების ორდენით.

     ქართული ენის კვირეული თესაუში ჰუმანიტარულ მეცნიერებათა ფაკულტეტის და ქართული ფილოლოგიის დეპარტამენტის ორგანიზებით იმართება და დედაენის დღეს ეძღვნება.