ღვინის კომპანია  ,,ჯი-ვი-ეს“-მა იაკობ გოგებაშვილის სახელობის თელავის სახელმწიფო უნივერსიტეტის სტუდენტებისთვის კონკურსი გამოაცხადა.

   კომპანიის წარმომადგენლები, აღნიშნული კონკურსის ფარგლებში, 14 მარტს თესაუს სტუდენტებს შეხვდნენ და პროექტის  პირობები გააცნეს. როგორც შეხვედრაზე აღინიშნა, კონკურსი 2 ეტაპად ჩატარდება: სივების შერჩევა და გასაუბრება. გამარჯვებულ 5-6 სტუდენტს  შესაძლებლობა მიეცემა, რომ ღვინის კომპანია ,,ჯი-ვი-ეს“-ის საპილოტე სკოლაში 6 თვიანი კურსი, ღვინის ტექნოლოგიის და მევენახეობის მიმართულებით, გაიაროს.

   სწავლა, როგორც თეორიას, ასევე,  პრაქტიკას და ანაზღაურებად სტაჟირებას ითვალისწინებს.    საუკეთესო სტუდენტები კი, კომპანიაში დასაქმედებიან.