25 დეკემბერს, იაკობ გოგებაშვილის სახელობის თელავის სახელმწიფო უნივერსიტეტის აგრარულ მეცნიერებათა ფაკულტეტზე, სადოქტორო საგანმანათლებლო პროგრამის - ,,ალკოჰოლიანი და უალკოჰოლო პროდუქტების წარმოების ტექნოლოგია“ - დოქტორანტის, ალექსანდრე ჩალათაშვილის, სადოქტორო ნაშრომის საჯარო დაცვა გაიმართა.
კვლევის თემაა- ,,სადესერტო ლიქიორების წარმოება საქართველოში, გავრცელებული სამკურნალო მცენარეების გამოყენებით“ (სამეცნიერო ხელმძღვანელი-ტექნიკის მეცნიერებათა დოქტორი მარიამ ხოსიტაშვილი).
სადისერტაციო ნაშრომის მიზანია ბიოლოგიურად აქტიური ნივთიერებების შემცველი ზოგიერთი მცენარის გამოკვლევა, ზაფრანასა და ქონდარში შემავალი კაროტინოიდური ბუნების გლიკოზიდ პროტოკროცინისა და მისი დაშლის შედეგად, მიღებული ნივთიერებების მიღება და გამოყენება სადესერტო ლიქიორის წარმოებაში.
ალექსანდრე ჩალათაშვილს სასურსათო ტექნოლოგიის დოქტორის აკადემიური ხარისხი მიენიჭა.
