14 დეკემბერს, იაკობ გოგებაშვილის სახელობის თელავის სახელმწიფო უნივერსიტეტში, კონფერენცია - ,,ციფრული აბორიგენები...   ჩვენ ბუკელები ვართ...  ეპიზოდი მესამე“- გაიმართა.

      კახეთის რეგიონის საჯარო სკოლების მოსწავლეებმა კონფერენციაზე კომპიუტერული გრაფიკის და  საოფისე პროგრამათა პაკეტის გამოყენებით აგებული ორიგინალური ტექნოლოგიური პროდუქტი, Web-დიზაინი, პროგრამირება  და ელექტრონულ-ანიმაციური პრეზენტაციები წარადგინეს.

     როგორც ღონისძიებაზე აღინიშნა, 2018 წლის მე-6 კლასის მოსწავლეები იმ თაობას წარმოადგენენ, რომლებსაც საქართველოს განათლებისა და მეცნიერების სამინისტრომ   2012-2013 წლებში, საჩუქრად, ,,ბუკები“ გადასცა. ამიტომ მათ ,,ბუკელებადაც“ მოიხსენიებენ. დღეისთვის ,,ბუკელების“ მერვე თაობას ვითვლით, რომელიც ციფრულ ტექნოლოგიებს აქტიურად იყენებს.

    კონფერენციის მონაწილეები  სერტიფიკატებით და  სიმბოლური საჩუქრებით დაჯილდოვდნენ.

   ღონისძიების მიზანია V-VI და უფროსი კლასების მოსწავლეთა საუკეთესო ნაშრომების წარმოჩენა, ციფრული ტექნოლოგიების უნარ-ჩვევების ამაღლება და უნივერსიტეტსა და  საჯარო სკოლებს შორის ურთიერთთანამშრომლობის განვითარება.

    კონფერენციის  ორგანიზატორია   თელავის სახელმწიფო უნივერსიტეტის ზუსტ და საბუნებისმეტყველო მეცნიერებათა ფაკულტეტის ასოცირებული პროფესორი მარიამ ზაქარიაშვილი.