15 ნოემბერს, იაკობ გოგებაშვილის სახელობის თელავის სახელმწიფო უნივერსიტეტის აგრარულ მეცნიერებათა ფაკულტეტზე, დოქტორანტის, თეა ხოსიტაშვილის, სადისერტაციო ნაშრომის დაცვა გაიმართა.
კვლევის თემა იყო ,,აბორიგენული და ინტროდუცირებული ვაზის ჯიშების წითელ ყურძენში სიმწიფის ფენოლური ინდექსის განსაზღვრა და გავლენა წითელი ღვინის ხარისხზე" (სამეცნიერო ხელმძღვანელი -მარიამ ხოსიტაშვილი).
სამეცნიერო ნაშრომის მიზანია აბორიგენული და ინტროდუცირებული ვაზის ჯიშების წითელ ყურძენსა და მიღებულ ტკბილში სიმწიფის ინდექსის, საერთო ანტოციანების, ტანინების განსაზღვრა და თითოეული ჯიშისთვის ფენოლური ინდექსის დადგენა.
თეა ხოსიტაშვილს სასურსათო ტექნოლოგიის დოქტორის აკადემიური ხარისხი მიენიჭა.
