ეროვნული სტარტაპ კონკურსის (Kick Challenge)  რეგიონული საინფორმაციო  შეხვედრები 9 ნოემბერს  იაკობ გოგებაშვილის სახელობის თელავის სახელმწიფო უნივერსიტეტიდან  დაიწყო.

      როგორც  პრეზენტაციაზე აღინიშნა, კონკურსის მიზანია, მთელი ქვეყნის მასშტაბით, ინოვაციური იდეების გამოვლენა და ალტერნატიული დაფინანსების წყაროს შექმნის საშუალებით,  მათი  რეალობად ქცევის ხელშეწყობა. იდეების თემატიკა შეუზღუდავია.

      პროექტი საზოგადოების ნებისმიერი ფენის წარმომადგენლებს, ასაკის მიუხედავად, შესაძლებლობას მისცემს,  ჩაერთონ ინოვაციური იდეების განხორციელებაში.  უფასო მარკეტინგული კამპანიის წარმოების და   საზოგადოებრივი მხარდაჭერის შედეგად კი,  მიიღება ექსკლუზიური პროდუქტი,  რაც   ქვეყნის ეკონომიკურ განვითარებას შეუწყობს ხელს.

    სტარტაპ კონკურსის დონორები არიან საქართველოს პრეზიდენტის სარეზერვო ფონდი და USAID-ის პროგრამა G4G. პროექტის ორგანიზატორია ქართული სახალხო დაფინანსების პლათფორმა - InvestMe.Ge