იაკობ გოგებაშვილის სახელობის თელავის სახელმწიფო უნივერსიტეტში, საგანმანათლებლო პროგრამების შემუშავების მიზნით, პოტენციურ დამსაქმებლებთან და უნივერსიტეტის კურსდამთავრებულებთან შეხვედრა მოეწყო.
ზუსტ და საბუნებისმეტყველო მეცნიერებათა ფაკულტეტის პროფესორებმა, თამარ ნადირაძემ, სვიმონ ოხანაშვილმა და მარიამ ზაქარეიშვილმა, შეხვედრის მონაწილეებს საქმიანი დისკუსიებისათვის საგანმანათლებლო პროგრამები წარუდგინეს. დამსაქმებლებმა და კურსდამთავრებულებმა პროგრამების გაუმჯობესების მიზნით, კონკრეტული ინიციატივები გაახმოვანეს.
ღონისძიება ზუსტ და საბუნებისმეტყველო მეცნიერებათა ფაკულტეტის ორგანიზებით, ბიოლოგიის, ეკოლოგიის და ინფორმაციული ტექნოლოგიების მიმართულებით ჩატარდა.
