შავი ზღვის საერთაშორისო უნივერსიტეტთან გაფორმებული მემორანდუმის ფარგლებში, იაკობ გოგებაშვილის სახელობის თელავის სახელმწიფო უნივერსიტეტში, ყოველწლიურად, თურქული ენის შემსწავლელი გაკვეთილები ტარდება. ენის სრული კურსის გავლა თესაუს სტუდენტებს და თანამშრომლებს შეუძლიათ.
ყოველი წლის ბოლოს იმართება ტესტირება, რომლის შედეგების მიხედვით გამოვლენილი წარმატებული სტუდენტები სერტიფიკატებით და ხშირ შემთხვევაში, თურქეთში უფასო ექსკურსიით ჯილდოვდებიან.
მიმდინარე სასწავლო წელს ლექციებს შავი ზღვის საერთაშორისო უნივერსიტეტის პროფესორი ილიას უსტუნერი უძღვებოდა. წელს თურქული ენის ცოდნის საერთაშორისო სერტიფიკატი 15-მა სტუდენტმა მიიღო.
თურქული ენის შემსწავლელი კურსები თელავის სახელმწიფო უნივერსიტეტში სასწავლო პროცესის დაწყებისთანავე განახლდება.
