სამეცნიერო კონფერენცია -,,სკოლა და უნივერსიტეტი“

      ,,მეცნიერებისა და ინოვაციების საერთაშორისო ფესტივალი-2017“-ის ფარგლებში,  6 ოქტომბერს,  იაკობ გოგებაშვილის სახელობის თელავის სახელმწიფო უნივერსიტეტში, ჰუმანიტარულ მეცნიერებათა ფაკულტეტის ორგანიზებით,  სამეცნიერო კონფერენცია -,,სკოლა და უნივერსიტეტი“ -გაიმართა.

      რიგით მე-5   კონფერენციაში მონაწილეობა თელავის და თბილისის საჯარო სკოლების მოსწავლეებმა მიიღეს, რომელთა  საკონფერენციო ნაშრომების ხელმძღვანელები თესაუ-ს დოქტორანტები  იყვნენ.   კონფერენციაზე წარმოდგენილი კვლევების თემები 2017 წლის იუბილარი მწერლების: ილია ჭავჭავაძის, ლადო ასათიანის, ნიკოლოზ ბარათაშვილის და  შოთა რუსთაველის  შემოქმედებას შეეხებოდა.

     ღონისძიება თესაუ-ს რექტორის მოადგილემ, ნუნუ გელდიაშვილმა, გახსნა და ,,მეცნიერებისა და ინოვაციების საერთაშორისო ფესტივალი-2017“-ის  მიზნების და მნიშვნელობის შესახებ ისაუბრა.

    კონფერენციის ორგანიზატორები იყვნენ: საორგანიზაციო კომიტეტის თავმჯდომარე, თესაუ-ს ჰუმანიტარულ მეცნიერებათა ფაკულტეტის დეკანი ნინო კოჭლოშვილი; თანათავმჯდომარეები: თელავის სახელმწიფო უნივერსიტეტის რექტორის მოადგილე ნუნუ გელდიაშვილი და ქართული ფილოლოგიის დეპარტამენტის ხელმძღვანელი ნინო გიორგაძე.

    ღონისძიების მიზანი იყო  სკოლისა და უნივერსიტეტის დაახლოვება. კონფერენციის  მონაწილეები უნივერსიტეტის სიმბოლური საჩუქრებით და სერტიფიკატებით დაჯილდოვდნენ.

 
მნახველთა რაოდენობა: 751
 
 
 
 
2017 დეკემბერი

2

3

4

5

9

10

11

12

13

14

15

16

17

18

19

20

21

22

23

24

25

26

27

28

29

30

31


2017 © თელავის სახელმწიფო უნივერსიტეტი.
ყველა უფლება დაცულია.