იაკობ გოგებაშვილის სახელობის თელავის სახელმწიფო უნივერსიტეტს ბაკალავრიატის კურსდამთავრებულები საზეიმოდ დაემშვიდობნენ.
განათლების, აგრარულ და ზუსტ და საბუნებისმეტყველო მეცნიერებათა ფაკულტეტის სტუდენტებს სწავლის დასრულება უნივერსიტეტის რექტორმა მიულოცა.
„ჩვენ მაქსიმალურად დაგეხმარეთ ახალი ცოდნის ათვისებაში, ჯერი თქვენზეა“,--განაცხადა ირმა შიოშვილმა.
ბაკალავრიატის კურსდამთავრებულების გაცილებას შესაბამისი ფაკულტეტების დეკანები, უნივერსიტეტის ადმინისტრაციის ხელმძღვანელი და საზოგადოებასთან ურთიერთობის სამსახურის უფროსიც ესწრებოდნენ.
სტუდენტების საზეიმო გაცილება უნივერსიტეტის სტუდენტური თვითმმართველობის ორგანიზებით ყოველწლიურად ტარდება.
