10 დეკემბერს იაკობ გოგებაშვილის სახელობის თელავის სახელმწიფო უნივერსიტეტში წიგნის -„ საქართველოს ისტორიისა და კულტურის ძეგლთა აღწერილობა“ (I-II ტომი) -პრეზენტაცია გაიმართა.
სამეცნიერო ენციკლოპედია, რომლის რედაქტორი ცნობილი მეცნიერი თამაზ დვალია, მიმდინარე წელს გ. ჩუბინაშვილის სახელობის ქართული ხელოვნების ისტორიისა და ძეგლთა დაცვის კვლევის ეროვნულმა ცენტრმა გამოსცა.
წიგნი თელავის მუნიციპალიტეტის ტერიტორიაზე მდებარე ისტორიულ და კულტურულ ძეგლებს აღწერს და ფოტოსურათებს, ნახაზებს, გეგმებს და საცნობარო სტატიებს მოიცავს.
ენციკლოპედიის გარკვეული რაოდენობა საჩუქრად თესაუ-ს ბიბლიოთეკას და თელავის ცენტრალურ ბიბლიოთეკას გადაეცა.
პრეზენტაცია თვითმმართველი ქალაქ თელავის ორგანიზებით ჩატარდა. ღონისძიებას თელავის სახელმწიფო უნივერსიტეტის რექტორი, საქართველოს მეცნიერებათა აკადემიის დელეგაცია, აკადემიის პრეზიდენტის, გიორგი კვესიტაძის, ხელმძღვანელობით და ადგილობრივი ხელისუფლების წარმომადგენლები დაესწრნენ.