იაკობ გოგებაშვილის სახელობის თელავის სახელმწიფო უნივერსიტეტი და ლიტვური ენისა და კულტურის ცენტრი საგანმანათლებლო სფეროში ითანამშრომლებენ.
განათლების მეცნიერებების ლიტვის უნივერსიტეტის პროფესორი, ვიდას კავალიაუსკასი და ლიტვის კულტურის ცენტრის წარმომადგენელი, ნინო ჩარგეიშვილი დღეს თელავის უნივერსიტეტში იმყოფებოდნენ.
სამუშაო შეხვედრაში უნივერსიტეტის ადმინისტრაციის ხელმძღვანელი, მზია მაისურაძე და ხარისხის სამსახურის უფროსი, შალვა ჭკადუა მონაწილეობდნენ.
შემდეგი შეხვედრა თბილისში, ლიტვის კულტურის ცენტრში გაიმართება.
კულტურის ცენტრის მიზანს ლიტვური ენისა და კულტურის პოულარიზაცია წარმოადგენს. პროექტი საქართველოს ტექნიკურ უნივერსიტეტთან ერთად ხორციელდება.
