ცნობილი მეცნიერისა და თელავის საპატიო მოქალაქის, ვალერიან ელანიძის საცხოვრებელ სახლზე მემორიალური დაფა განთავსდა.
მემორიალური დაფა იაკობ გოგებაშვილის სახელობის თელავის სახელმწიფო უნივერსიტეტის ინიციატივით დამზადდა.
დაფის განთავსების ოფიციალურ ცერემონიალს პროფესორ ვალერიან ელანიძის ოჯახის წევრებთან და უნივერსიტეტის ადმინისტრაციასთან ერთად, ადგილობრივი ხელისუფლების წარმომადგენლებიც ესწრებოდნენ.
ისტორიკოსი ვალერიან ელანიძე თელავის სახელმწიფო უნივერსიტეტში რამდენიმე ათეული წლის განმავლობაში მოღვაწეობდა.
