საქართველოში, ევროპის დღეების ფარგლებში, შვედეთის საელჩოსა და შვედური ინსტიტუტის ( SI) მხარდაჭერით, პროექტი - „ხელმისაწვდომობა ფიზიკური გარემოს მიღმა“ - ხორციელდება.
აღნიშნული პროექტის ფარგლებში, 10 მაისს, იაკობ გოგებაშვილის სახელობის თელავის სახელმწიფო უნივერსიტეტში, ფოტო-გამოფენა მოეწყო. დამსწრე საზოგადოებას შვედეთის ელჩმა საქართველოსა და სომხეთში -მარტინა ქვიქიმ, თვითმმართველი ქალაქ თელავის მერმა, პლატონ კალმახელიძემ და თელავის სახელმწიფო უნივერსიტეტის რექტორმა, ირმა შიოშვილმა მიმართეს .
პროექტი განსაკუთრებული საჭიროებების მქონე პირთა ცხოვრების ამსახველ ფოტო-გამოფენას (პირადი ისტორიებით) და საერთაშორისო კონფერენციის გამართვას ითვალისწინებს.
შეხვედრას შვედი და ქართველი ექსპერტები , ადგილობრივი ხელისუფლების , არასამთავრობო ორგანიზაციების და უნივერსიტეტის წარმომადგენლები დაესწრნენ.
შვედური ინსტიტუტის მიერ ( SI) ინიცირებული და შვედეთის საელჩოს მიერ მხარდაჭერილი პროექტის-„ხელმისაწვდომობა- ფიზიკური გარემოს მიღმა“- ფარგლებში, ღონისძიებები თელავის სხვა დაწესებულებებშიც გაიმართა.
