27 აპრილს, იაკობ გოგებაშვილის სახელობის თელავის სახელმწიფო უნივერსიტეტში,  არასამთავრობო ორგანიზაციის -,, გენდერული ქსელი თანასწორობისთვის“- თელავის მედია ცენტრის ორგანიზებით, სტუდენტებთან შეხვედრა ჩატარდა.

      მედია ორგანიზაცია ,,კახეთის ხმის“ ხელმძღვანელმა, მაია მამულაშვილმა,  გენდერის საკითხებთან დაკავშირებულ სტერეოტიპებზე, სტატისტიკაზე,  გენდერულ როლებსა და სხვა თემებზე ისაუბრა.

      შეხვედრა კითხვა-პასუხის ფორმატში წარიმართა. სტუდენტებმა საკუთარი აზრი ქალისა და  მამაკაცის თანასწორობის  მიმართ საზოგადოების განსხვავებული დამოკიდებულების შესახებ  დააფიქსირეს. 

     ,,გენდერული საუბრები“ და დისკუსიები  იმ პროგრამის ნაწილია, რომელიც საქართველოს 10 ქალაქში ხორციელდება. თელავის მედია ცენტრმა, აღნიშნული პროექტის ფარგლებში,  შეხვედრები თელავის საჯარო სკოლებშიც გამართა.