ამერიკის შეერთებული შტატების დაავადებათა კონტროლისა და პრევენციის ცენტრის  (CDC) წარმომადგენელი, ბეთ სკაგსი, 27 აპრილს იაკობ გოგებაშვილის სახელობის თელავის სახელმწიფო უნივერსიტეტის სტუდენტებს შეხვდა.

      საინფორმაციო შეხვედრაზე საუბარი მსოფლიოში გავრცელებული  საშიში ინფექციური დაავადებების  პრევენციას,  ვაქცინაციას  და   ამ მიმართულებით, საზოგადოებრივი ჯანდაცვის ცენტრების ეფექტურად მუშაობის მნიშვნელობას შეეხო.

       ბეთ სკაგსის თქმით,  ამერიკის შეერთებული შტატების დაავადებათა კონტროლისა და პრევენციის ცენტრის წარმომადგენლობები მსოფლიოს 50 ქვეყანაში და მათ შორის, საქართველოშიცაა. აღნიშნულ ორგანიზაციაში ეპიდემიოლოგები, მიკრობიოლოგები და საზოგადოებრივი ჯანდაცვის სპეციალისტები, სხვადასხვა მიმართულებით, აქტიურად მუშაობენ.

       აშშ-ს დაავადებათა კონტროლისა და პრევენციის ცენტრის  (CDC)  შეხვედრა  თესაუ-ში საქართველოში ,,ამერიკის კვირეულის“ ფარგლებში ჩატარდა.