იაკობ გოგებაშვილის სახელობის  თელავის სახელმწიფო უნივერსიტეტი, ,,დედამიწის დღის“  კვირეულის ფარგლებში, დასუფთავების აქციას შეუერთდა.  სტუდენტებმა და თანამშრომლებმა უნივერსიტეტის მიმდებარე ტერიტორია დაასუფთავეს. 
      როგორც უნივერსიტეტის რექტორმა, ირმა შიოშვილმა, აღნიშნა: ,,_ასეთ აქციებში ახალგაზრდების ჩართულობა მნიშვნელოვანია, რადგან სწორედ მათ უნდა აღზარდონ მომავალი თაობა, რომელიც გარემოზე იზრუნებს."
     დასუფთავების აქცია- ,,სუფთად ევროპისკენ”  -ქვეყნის მასშტაბით, 10 რეგიონში ჩატარდა და მასში მოსახლეობის დიდმა ნაწილმა მიიღო მონაწილეობა.

   კამპანიის მხარდამჭერები არიან:  შვედეთის განვითარების სააგენტო, „საქართველოს მწვანეთა მოძრაობა/დედამიწის მეგობრები-საქართველო“; საქართველოს ბუნების მკვლევართა კავშირი „ორქისი“; „ეკოლოგიური ცნობიერების ამაღლება და ნარჩენების მართვა“; კავკასიის გარემოსდაცვითი არასამთავრობო ორგანიზაციების ქსელი (CENN).